დანიელე ლონგოს ინფორმაციით, ფიკაიო ტომორი კარიერას "მილანში" გააგრძელებს და უახლოეს მომავალში "სან სიროზე" აღმოჩნდება. მხარეებს შორის მოლაპარაკებები გადამწყვეტ ფაზაშია და კონტრაქტის გაფორმებამდე რამდენიმე მცირე დეტალია მოსაგვარებელი.

ტომორის აპენინის ნახევარკუნძულზე ორშაბათს, "კალიარისთან" გასამართი შეხვედრის შემდეგ ელოდებიან, რის შემდეგაც სამედიცინო შემოწმებას გაივლის და "როსონერიში" ოფიციალურად ჩაირიცხება.

ინგლისელი ცენტრალური მცველი ლომბარდიულ გრანდში იჯარით გადაბარგდება შემდგომი გამოსყიდვის უფლებით. "მილანის" ნომერ პირველი სამიზნე, მოჰამედ სიმაკანი ტრავმირებულია, ამიტომ ტომორიზე იქნება დამოკიდებული გამოისყიდის, თუ არა "როსონერი" მას სეზონის ბოლოს.