მადრიდის "რეალი" დაცვის ხაზის გაძლიერებას გეგმავს. "ბლანკოსის" დამრიგებლის, კარლო ანჩელოტის ერთ-ერთი სამიზნე კი "მილანის" მცველი მალიკ ტიაუ გალხავთ.

როგორც "Mundo Deportivo" იუწყება, მადრიდელები მზად არიან, იანვრის სატრანსფერო ბაზარზე 22 წლის გერმანელის სანაცვლოდ 20 მილიონი ევრო გადაიხადონ.

მალიკ ტიაუ "მილანში" "შალკედან" 2022 წლის ზაფხულის ბოლოს გადავიდა. მას შემდეგ მცველმა "როსონერის" შემადგენლობაში 33 ოფიციალური მატჩი ჩაატარა.

ცნობისთვის, "transfermarkt"-ის ვერსიით, ახალგაზრდა გერმანელის ფასი 30 მილიონი ევროა.