რაფაელ ლეაოს შემდეგ "მილანში" გუნდის კიდევ ერთი საკვანძო ფიგურის, მაიკლ მენიოს შენარჩუნებაზე ზრუნვას იწყებენ.

ჟურნალისტ დანიელე ლონგოს ცნობით, "როსონერის" მესვეურები ფრანგ მეკარესთან უახლოეს დღეებში მოლაპარაკებებს დაიწყებენ და გაუმჯობესებულ ხელშეკრულებას შესთავაზებენ.

მენიოს მიმდინარე კონტრაქტი "მილანთან" 2026 წლის ზაფხულამდე აკავშირებს, "როსონერი" კი მას ხელშეკრულების 2028 წლის ზაფხულამდე გახანგრძლივებას შესთავაზებს. გასამრჯელო კი 4-4.5 მილიონამდე გაიზრდება.

შეგახსენებთ, რომ 28 წლის მეკარე "შავ-წითლების" რიგებში 2021 წლის ზაფხულიდან ასპარეზობს. მის აქტივში 68 მატჩში 29-ჯერ შენახული კარია.