სამუელ ჩუკვუეზე "ვილიარეალიდან" კარიერას "მილანში" გააგრძელებს - ინფორმაცია იტალიურმა კლუბმა უკვე ოფიციალირად დაადასტურა და ფეხბურთელთან 5-წლიანი კონტრაქტიც გააფორმა.

გარიგების თანახმად, ესპანური კლუბი 24 წლის ნიგერიელი ფორვარდის ტრანსფერის სანაცვლოდ 20 მილიონ ევროს მიიღებს, რომელიც ბონუსების გადახდის შემდეგ, შესაძლოა, 28 მილიონ ევრომდე გაიზარდოს.

შეგახსენებთ, რომ ჩუკვუეზე "ვილიარეალის" აკადემიის აღზრდილია და ძირითადი გუნდის რიგებში 2018 წლიდან თამაშობს. გასულ სეზონში კი ნიგერიელმა "ყვითელი წყალქვეშა ნავის" მაისურით 50 შეხვედრაში მიიღო მონაწილეობა და აქტივში 13 გოლი და 11 შედეგიანი გადაცემა მიითვალა.

დაუდასტურებელი ინფორმაციით, ფეხბურთელი სეზონში 4 მილიონ ევროს გამოიმუშავებს. მისი სათამაშო ნომერი კი 21 იქნება.