იტალიელი მცველი მატეო გაბია, რომლის კონტრაქტი "მილანს" ეკუთვნის, კარიერას ესპანეთის ჩემპიონატში გააგრძელებს. 

23 წლის ფეხბურთელი "ვილიარეალში" იჯარით გადავიდა. ამის შესქხებ "ყვითელი წყალქვეშა ნავის" პრესსამსახური იტყობინება.

გაბიას შრომითი ხელშეკრულება ესპანურ კლუბთან 2024 წლის ზაფხულამდეა ძალაში.

მატეო მილანური კლუბის აკადემიის აღზრდილია. ჯამში მან "როსონერის" შემადგენლობაში 51 მატჩი ჩაატარა და ერთი გოლი გაიტანა.