"ემპოლის" ახალწვეულმა დანიელ მალდინიმ, რომელზეც უფლებები 2024 წლის ზაფხულამდე "მილანს" ეკუთვნის, თავის გეგმებზე ისაუბრა.

"ემპოლი" იმიტომ ავირჩიე, რომ პირველებმა გამოიჩინეს ინტერესი. ვგრძნობდი, რომ ძალიან უნდოდათ ჩემი შეძენა. იმედია არჩევანში არ შევცდი. ვეცდები მოედანზე ყველაფერი გავაკეთო, რაც შემიძლია".

"როდის დავბრუნდები "მილანში"? მიყვარს ეს კლუბი, მინდა იქ თამაში, მაგრამ დარწმუნებული არ ვარ, რომ ძირითადის ფეხბურთელი ვიქნები", - ციტირებს უმცროსი მალდინის სიტყვებს "pianetamilan.it".

შეგახსენებთ, რომ "მილანის" აკადემიის აღზრდილი 21 წლის მალდინი გასულ სეზონში იჯარით "სპეციაში" თამაშობდა, სადაც 20 მატჩში 3 გოლი გაიტანა. მისი სატრანსფერო ღირებულება 3 მილიონი ევროა.