სანდრო ტონალის პრემიერ ლიგაში ტრანსფერს "მილანის" აწ უკვე ყოფილი ფეხბურთელი ზლატან იბრაჰიმოვიჩი გამოეხმაურა.

ლეგენდარული შვედის თქმით, ყველაზე ძვირად გაყიდულ იტალიელ ტონალის ნისლიან ალბიონზე თავის დამკვიდრება არ გაუჭირდება.

"სამწუხაროდ სანდროს კარიერა ისე არ განვითარდა, როგორც მას სურდა. ფეხბურთში ასეთი რამ ხშირად ხდება. რამდენიმე დღის წინ ვესაუბრე და რჩევები მივეცი, რაც პრემიერ ლიგაში დასამკვიდრებლად დაეხმარება. ის "მილანში" ძალიან გაიზარდა და მჯერა, რომ ინგლისში მაღალ დონეზე სათამაშოდ მზად არის. უბრალოდ, ყველაფრის მიუხედავად, ზრდა უნდა განაგრძოს", - ამბობს ზლატანი.