ტურინის "იუვენტუსმა" ტიმოთი ვეას ტრანსფერი ოფიციალურად დაადასტურა, რომელიც აქამდე "ლილის" ღირსებას იცავდა. "ბიანკონერიმ" ფრანგულ კლუბს 12 მილიონ ევრო გადაუხადა და ამერიკელმა ფეხბურთელმა, რომელიც ლეგენდარული ჟორჟ ვეას შვილია, "ბებერ ქალბატონთან" კონტრაქტი 2028 წლამდე გააფორმა.

მოგეხსენებათ, ჟორჟ ვეა 1995-2000 წლებში "როსონერის" რიგებში თამაშობდა, რა დროშიც "ოქროს ბურთის" მოგებაც მოახერხა, თუმცა რამდენიმე დღის წინ ერთ-ერთ ინტერვიუში თქვა, რომ "იუვენტუსის" გულშემატკივარი ბავშვობიდანაა და გაუხარდებოდა, თუ მისი შვილიც იტალიაში ითამაშებს.

23 წლის ტიმოთი ვეა "ლილში" 2019 წლიდან გამოდიოდა და 107 მატჩში 8 გოლი გაიტანა, ხოლო მანამდე "პარი სენ ჟერმენისა" და "სელტიკის" წევრი იყო. ამერიკის ნაკრებში მან 31-ჯერ ითამაშა და 4 გოლი გაიტანა.