ესპანურ მედიაში გავრცელებული ცნობებით, მადრიდის "რეალს" თავის საკუთრებაში მყოფი ბრაჰიმ დიასის კლუბში დაბრუნება სურს.

22 წლის შემტევს "მილანთან" არსებული იჯარა მიმდინარე სეზონის ბოლოს უსრულდება. იტალიელებს მისი გამოსყიდვის შესაძლებლობა 22 მილიონის სანაცვლოდ აქვთ, თუმცა "როსონერის" ხელძღვანელებს აღნიშნული თანხის შემცირება სურთ.

"ABC"-ს ინფორმაციით, "რეალი" იტალიურ მხარესთან მოლაპარაკებების მაგიდასთან დაჯდომას არ აპირებს, რადგან ფეხბურთელის მინიმუმ 1 წლით საკუთარ შემადგენლობაში ხილვა მკაფიოდ აქვთ გადაწყვეტილი.

ცნობილია ისიც, რომ "სამეფო კლუბი" ბრაჰიმთან, რომელსაც "მილანში" ჩატარებულ 107 მატჩში 16 გოლი და 10 საგოლე გადაცემა დაუგროვდა, ახალი კონტრაქტის თაობაზე მოლაპარაკებებს უკვე აწარმოებს.