როგორც მოგეხსენებათ, ოლივიე ჟირუ მსოფლიო ჩემპიონატის შემდეგ "მილანის" რიგებს დაუბრუნდა და ვარჯიშს აგრძელებს.

ცნობილი და გავლენიანი იტალიური გამოცემა Corriere dello Sportკი მასთან დაკავშირებით ახალ ინფორმაციას ავრცელებს.

გამოცემის ცნობით, ფრანგი ფორვარდი ფიქრობს, რომ ის "სალერნიტასთან" მატჩის ჩასატარებლად მზადაა, თუმცა პიოლის სხვა გეგმები აქვს.

ირკვევა, რომ გამოცდილი სპეციალისტი ოლივიეს სასტარტო შემადგენლობაში მანამ არ გაამწესებს, სანამ მისი ფიზიკური კონდინციები არ დააკმაყოფილებს.

ბუნებრივია, ეს ყველაფერი უახლოეს დღეებში გაირკვევა და ვნახავთ, გახსნის თუ არა 2023 წელს ჟირუ სასტარტო შემადგენლობაში თამაშით.