ცნობილი და გავლენიანი იტალიური გამოცემა Calcio Mercato "მილანთან" დაკავშირებით ახალ ინფორმაციას ავრცელებს.

გამოცემის ცნობით, "როსონერის" ხელმძღვანელობა ნახევარდაცვის გაძლიერებაზე ზრუნავს და გუნდს 2 სავარაუდო სამიზნე ჰყავს.

როგორც ირკვევა, ლომბარდიული გრანდი "ლივერპულის" ორი შუახაზელით - ალექს ოქსლეიდ-ჩემბერლენითა და ნაბი კეიტათი ინტერესდება.

რაც არ უნდა გასაკვირი იყოს, ტრანსფერის შანსები არც თუ ისე მცირეა, რადგან ზემოხსენებული ორივე მოთამაშე სათამაშო დროის ნაკლებობას უჩივის.