!["რომა" 1:2 "მილანი" | პიოლის მატჩისშემდგომი კომენტარი "რომა" 1:2 "მილანი" | პიოლის მატჩისშემდგომი კომენტარი](/uploads/posts/2023-09/thumbs/screenshot-2023-09-02-at-15_10_24.jpg)
![](/templates/acmilan-3/dleimages/noavatar.png)
სერია ა-ს 2023-2024 სეზონი "მილანმა" ფანტასტიურად დაიწყო. მე-3 ტურის მატჩში 10 კაცით დარჩენილმა "როსონერიმ" "სტადიო ოლიმპიკოზე" "რომა" დაამარცხა და სეზონის მესამე გამარჯვება მოიპოვა. მატჩის შემდეგ სტეფანო პიოლიმ მედიის წარმოამდგენლებთან ისაუბრა:
"გულწრფელად რომ ვთქვა, ასეთ თამაშს არ მოველოდი. შედეგთან ერთად თამაშის ხარისხითაც ძალიან კმაყოფილი ვარ. მეტოქემ შეხვედრის სადავეების ხელში აღება დღოებით, მხოლოდ ფიკაიო ტომორის გაძევების შემდეგ მოახერხა, "მილანი" კი მთელი თამაშის განმავლობაში დომინირებდა. 90 წუთში კარგად გამოიკვეთა ჩვენი გუნდური და ინდივიდუალური ხასიათი.
ლეაო ქმნის შესანიშნავ შანსებს, როცა კარის წინ დგას, მაგრამ მან უნდა აკეთოს ის, რაც გასულ ღამეს ვიხილეთ. რაფამ ძალიან ბევრი იმოძრავა, იქ იყო სადაც გუნდს სჭირდებოდა. მისი შეცვლილი დამოკიდებულება, მეტის სურვილი და მენტალური პროგრესი აშკარაა. მასთან მუშაობისას ყოველდღიურად ვრწმუნები, რომ ძალიან ბედნიერი და მოტივირებულია.
გვსურს გავაძლიეროთ დაცვის ხაზი, ამიტომ საჭიროა ვიპოვოთ სწორი გადაწყვეტა. დავიდეს მოედნის ცენტრში შესვლა ბევრისთვის მოულოდნელია, თუმცა საერთო სურათით ვხედავთ, რომ გუნდი მყარი და კონცენტრირებულია.
იოვიჩი? ის ჩვენი სატრანსფერო სიის ნაწილი გახლდათ. ლუკას რთული სეზონი ჰქონდა, თუმცა მას აქვს ნიჭი და მოტივაცია, შესაბამისად გვჯერა, რომ გუნდს დაეხმარება.
"მილანი" განსაკუთრებული მიზნისთვის იბრძვის, წელს ძალიან ბევრი მატჩი უნდა ვითამაშოთ, რისთვისაც შემადგენლობის სიღრმავე და როტაციის შესაძლებლობა უმნიშვნელოვანესია.
ყოველი მომდევნო მატჩი გამოცდაა, რომელიც უნდა ჩავაბაროთ და არც "ინტერთან" შეხვედრაა გამონაკლისი. "ნერაძური" ძლიერი მეტოქეა, მაგრამ ჩვენ გვაქვს ინდივიდუალური მიდგომები. ორივე გვაქვს ამბიცია მეორე ვარსკვლავიზე, ამიტომ მზად ვიქნებით".
!["მეგონა, რომ დამარტყამდა", - პატო კალაძესთან მომხდარ ინციდენტზე "მეგონა, რომ დამარტყამდა", - პატო კალაძესთან მომხდარ ინციდენტზე](/uploads/posts/2023-11/thumbs/2023-11-27_150529.jpg)
![ბოატენგი: "ცოლთან ღალატის მიზეზი რონალდინიო იყო" ბოატენგი: "ცოლთან ღალატის მიზეზი რონალდინიო იყო"](/uploads/posts/2023-10/2023-10-17_113312.jpg)
![კასანო: "არც თევზია და არც ხორცი, უფრო მარსიალს მაგონებს" კასანო: "არც თევზია და არც ხორცი, უფრო მარსიალს მაგონებს"](/uploads/posts/2023-09/thumbs/2023-09-27_140248.png)
![ტონალი: "ჩემი ოცნებაა, "მილანში" დავბრუნდე და ტიფოზების სახეზე ისევ ღიმილი ვნახო" ტონალი: "ჩემი ოცნებაა, "მილანში" დავბრუნდე და ტიფოზების სახეზე ისევ ღიმილი ვნახო"](/uploads/posts/2023-07/thumbs/2023-07-07_105006.jpg)