"მილანმა" "ვილიარეალს" ნიგერიელი შემტევის, სამუელ ჩუკვუეზეს ტრანსფერის თაობაზე მიმართა.

"The Athletic"-ის ინფორმაციით, "როსონერი" მზად არის, ფეხბურთელის სანაცვლოდ 25 მილიონი ევრო გადაიხადოს.

24 წლის ფეხბურთელს გუნდის შეცვლა ამ ზაფხულსვე სურს და "მილანთან" პირადი კონტრაქტი უკვე შეთანხმებული აქვს.

ჩუკვუეზემ ესპანეთის ჩემპიონატის გასულ სეზონში "ვილიარეალის" შემადგენლობაში 37 მატჩი ჩაატარა, ექვსი გოლი გაიტანა და ოთხი საგოლე გადაცემა შეასრულა.