ფრანგული გამოცემა Foot Mercato იუწყება, რომ გიორგი მიქაუტაძის ტრანსფერზე "მილანის" ტექნიკური დირექტორი, პაოლო მალდინი პირადად მუშაობს და ის ქართველ ფორვარდს უკვე რამდენჯერმე ესაუბრა.

"ჩვენი ინფორმაციით, ბოლო პერიოდში მოლაპარაკებებმა წინ წაიწია. მილანი სერიოზულად არის დაინტერესებული და მზადაა, მიქაუტაძის სანაცვლოდ 10 მილიონი ევრო გადაიხადოს. 

ეს საკითხი მალდინის აქვს ჩაბარებული, რომელიც ფეხბურთელს არაერთხელ ეკონტაქტა. იგეგმება, რომ ქართველი თავდამსხმელის ტრანსფერის შემთხვევაში, ის მომავალ სეზონშიც მეცში იქნება განათხოვრებული, ოღონდ, მაშინ თუ ეს კლუბი ფრანგულ ლიგა 1-ში აღზევდა. 

მიქაუტაძეს დიდი ინტერესით აკვირდებიან ვენსან კომპანი და მისი ბარნლიც", - წერს ფრანგული გამოცემა.