სერია A-ს 28-ე ტურში "მილანმა" "ნაპოლი" 4-0 გაანადგურა.

ხვიჩა კვარაცხელია ვიქტორ ოსიმენის არ ყოფნაში მოედანზე ყველაზე აქტიური იყო, თუმცა "როსონერის" დაცვამ მის წინააღმდეგ კარგად ითამაშა.

კვარაცხელიას გაჩერების შესახებ იტალიური მედია აქტიურად წერს.

"მესამე მნიშვნელოვანი ასპექტი ხვიჩა კვარაცხელიას გაჩერება იყო. როცა საჭირო იყო, მის წინააღმდეგ ორმაგ დაცვას თამაშობდნენ. დავიდე კალაბრია მას ერთი-ერთზე კარგად ეთამაშებოდა, მაგრამ მას ასევე ეხმარებოდა კრუნიჩი, თუ საჭირო იყო ტონალი და ტომორიც... სწორედ ამან აქცია ქართველისთვის ეს საღამო იმედგაცრუებად", - წერს La Gazzetta dello Sport.