"მილანის" ცენტრალურმა ფორვარდმა ოლივიე ჟირუმ გამოცემა DAZN-თან საინტერესო საკითხებზე ისაუბრა.

"ბავშვობაში იტალიურ კლუბებს შორის სულ "მილანი" მიყვარდა. ძალიან ბედნიერი ვარ იმით, რასაც მივაღწიე, მაგრამ უფრო მეტი მსურს.

რას ვიტყოდი მატჩის წინა ლოცვაზე? ამას არა მხოლოდ მნიშვნელოვანი თამაშების, არამედ ყველა მატჩის წინ ვაკეთებ. დაახლოებით 10-15 წელია ყოველდღე ვლოცულობ და ეს ის რაღაცაა, რაც თამაშის წინ მჭირდება.

იანვარი იმედგაცრუებით დავიწყეთ, თუმცა საკუთარი თამაში "ტორინოსთან", "ტოტენჰემთან" და "მონცასთან" დავიბრუნეთ.

ამ შეხვედრებში იდეალურები არ ვყოფილვართ, მაგრამ ეს 3 მნიშვნელოვანი თამაში იყო. ასევე, "ატალანტასთან" მატჩიც მოსაგებია, რადგან ისინიც ჩემპიონთა ლიგის საგზურისთვის იბრძვიან," - განაცხადა ჟირუმ.