ცნობილმა ესპანურმა გამოცემა Relevo-მ მადრიდის "რეალთან" დაკავშირებით ახალი სატრანსფერო ინფორმაცია გაავრცელა.

წყაროს ცნობით, ბრაჰიმ დიასს, რომელიც ამჟამად იჯარის წესით "მილანის" რიგებში თამაშობს, "ბლანკოსში" დაბრუნება სურს.

რაც შეეხება "სამეფო კლუბის" პოზიციას, როგორც ირკვევა, მადრიდელები ესპანელის დაბრუნებაზე თანახმა არიან და მასთან 4-წლიანი კონტრაქტის გაფორმებაც სურთ.

წყარო ასევე დასძენს, რომ თუ ორივე მხარეს შორის შეთანხმება შედგა, დიდი შანსია, მომავალ სეზონში 24 წლის ფეხბურთელი ისევ "რეალის" შემადგენლობაში აღმოჩნდეს.