ჩემპიონთა ლიგის მერვედფინალური ეტაპის მატჩში "მილანს" იტალიელი თავკაცის მიერ გაწვრთნილი "ტოტენჰემი" ესტუმრება.

სამშობლოში სტუმრად ჩასულმა ანტონიო კონტემ შეხვედრის შესახებ მედიის წარმომადგენლებთან ისაუბრა:

"სან სიროზე" დაბრუნება დიდ ემოციებს იწვევს. აქ ორი ინტენსიური, ლამაზი წელი გავატარე, როდესაც "ინტერთან" ერთად მნიშვნელოვანი რაღაცის გაკეთება მოვახერხეთ. 

ვხვდებით იტალიის ჩემპიონს და ვიცით, რა რთულია სერია ა-ს მოგება. ისინი არაჩვეულებრივი იყვნენ. რა თქმა უნდა, რთული მატჩი იქნება ორ გუნდს შორის, რომლებიც შეეცდებიან ერთმანეთის ბარიერის გადალახვას".