როგორც მოგეხსენებათ, გუშინ "მილანმა" სერია ა-ს ეგიდით "დერბი დელა მადონინაში" მწარე მარცხი იგემა - 1:0.

აღნიშნულ შეხვედრაში ერთადერთი გოლი "ინტერის" ფორვარდმა ლაუტარო მარტინესმა, 34-ე წუთზე გაიტანა.

ამ მარცხის შემდეგ "როსონერი" სატურნირო ცხრილში მე-6 ადგილზეა, ლიდერ "ნაპოლის" 18 ქულით ჩამორჩება, ხოლო მის მდევარ "ინტერს" 5-ით.

მატჩის დასრლების შემდეგ ბოსნიელმა ნახევარმცვლემა რადე კრუნიჩმა მედიასთან კომენტარი გააკეთა.

"3-კაციანი ნახევარდაცვა? ჩვენ ახალი რამე ვცადეთ, რაც წინა მატჩებში არ გვიქნია. სამწუხაროდ, ის კარგად არ გამოგვივიდა, რასაც ვარჯიშებზე ვაკეთებდით.

მეორე ნახევარში მათი ცენტრი დავფარეთ, თუმცა მეტოქემ დაცვაში თავი კარგად წარმოაჩინა, რამაც გოლის გატანაში ხელი შეგვიშალა," - განაცხადა კრუნიჩმა.