როგორც მოგეხსენებათ, "მილანი" "რომას" ფეხბურთელის ნიკოლო ძანიოლოს შეძენითაა დაინტერესებული.

მოთამაშესთან დაკავშირებით "ჯალოროსიმ" შეთავაზება "ბორნმუთიდან" მიიღო, თუმცა ნიკოლომ ინგლისელ მწვრთნელებთან მუშაობა არ ისურვა.

ირკვევა, რომ პრემიერ ლიგის ბინადარმა კლუბმა რომაელებს საკმაოდ მსუყე შეთავაზება დაუდო, La gazzetta dello Sport კი წერს, რომ "როსონერის" მსგავსი შეთავაზების გაკეთება არ შეუძლია.

მიუხედავად ამისა, ლომბარდიულ გრანდში ძანიოლოსთან კარგი ურთიერთობა აქვთ, რაც მას ზაფხულის სატრანსფერო ფანჯრამდე მოცდის საშუალებას მისცემს, შემდეგ კი, როდესაც მის კონტრაქტში 1 წელი იქნება დარჩენილი, მისი გადაბირება მარტივი საქმე იქნება.