ახალი ამბავი არ არის, რომ იტალიური მედია "მილანს" ნიკოლო ძანიოლის სახელს უკავშირებს.

აღნიშნულ ინფორმაციებში სიმართლის მარცვალი ნამდვილად დევს, რადგან ამას გავლენიანი გამოცემები ადასტურებენ.

იტალიური გამოცემა La Gazzetta dello Sport გვთავაზობს, როგორი იქნება "როსონერის" შემტევი ხაზი "ჯალოროსის" ფეხბურთელის ტრანსფერის შემთხვევაში.

მარცხენა ფლანგზე, რა თქმა უნდა, რაფაელ ლეაო დადგება, ცენტრალურ ნახევარმცველად ბრაჰიმ დიასი მოგვევლინება, რომელსაც პერიოდულად საელემაეკერსი ჩაანაცვლებს, მარჯვენა ფლანგს კი სწორედ ძანიოლო ჩაიბარებს.

რაც შეეხება ცენტრალური შემტევის პოზიციას, აქ ისევ ოლივიე ჟირუს ვიხილავთ, რომელიც ხანდახან შესაძლოა ზლატან იბრაჰიმოვიჩმა ჩაანაცვლოს.