როგორც მოგეხსენებათ, "მილანი" მცველის ძიებაშია და კლუბი ტოპ 5 ლიგის მასშტაბით რამდენიმე კანდიდატს აკვირდება.

ცნობილი ესპანური გამოცემა Relevo წერს, რომ "როსონერიმ" ახალ სამიზნეს მადრიდის "რეალში" მიაგნო.

ირკვევა, რომ ლომბარდიულმა გრანდმა თვალი ნაჩო ფერნანდესს დაადგა, რომელიც "ბლანკოსთან" ახალ კონტრაქტზე ვერ თანხმდება.

ხელმძღვანელობასთან დაძაბული ურთიერთობის გამო, ესპანელი გუნდის დატოვებას განიხილავს, "მილანი" კი, როგორც ჩანს, სიტუაციას აქტიურად აკვირდება.

აღსანიშნავია ისიც, რომ ნაჩოს შეძენით, "შავ-წითლების" გარდა, პრემიერ ლიგური "ვულვერჰემპტონიც" ინტერესდება.