როგორც მოგეხსენებათ, "მილანმა" სერია ა-ს ეგიდით "რომას" უმასპინძლა და უმნიშვნელოვანესი 2 ქულა დაკარგა - 2:2.

აღსანიშნავია, რომ "როსონერი" შეხვედრას თითქმის მთელი დროის განმავლობაში ლიდერობდა, თუმცა 83-ე და 95-ე წუთზე გატანილმა გოლებმა "ჯალოროსის" ქულა გადაურჩინა.

შეხვედრის შემდეგ ლომბარდიული გრანდის ფეხბურთელმა დავიდე კალაბრიამ მედიასთან მცირე კომენტარი გააკეთა.

"მატჩისთვის კარგად მოვემზადეთ, თითოეული დეტალი გავლილი გვქონდა, თუმცა, 2 შეცდომის გამო, ფრეს უნდა დავჯერდეთ, რაც ცოტა გვაბრაზებს.

ეს შეხვედრა ჩვენთვის გაკვეთილი უნდა იყოს. უნდა განვვითარდეთ და მსგავსი გოლები არ უნდა გავუშვათ," - განაცხადა კალაბრიამ.