ცნობილი და გავლენიანი იტალიელი ჟურნალისტი ნიკოლო სკირა "მილანთან" დაკავშირებით ახალ ინფორმაციას ავრცელებს.

ჟურნალისტის ცნობით, "როსონერი" "ატალანტას" მეკარის მარკო სპორტიელოს ტრანსფერით კვლავ აქტიურადაა დაინტერესებული.

როგორც ირკვევა, ლომბარდიული გრანდი ბერგამოელთათვის გასაგზავნ შეთავაზებას ამზადებს, მეკარისთვის კი ყველაფერი მზად აქვს.

ტრანსფერის შემთხვევაში, სპორტიელო "მილანთან" 3-წლიან კონტრაქტს გააფორმებს, სეზონური ანაზღაურების სახით კი 1 მილიონ ევროს მიიღებს.