როგორც მოგეხსენებათ, ხვალ, 23:45 საათზე "მილანი" სერია ა-ს ეგიდით "რომას" დაუპირისპირდება.

აღნიშნული შეხვედრა "როსონერისთვის" საკმაოდ მნიშვნელოვანია, რადგან კლუბს მდევრები ახლოს ჰყავს, ასევე, ლიდერ "ნაპოლისთან" ჩამორჩენაც შემცირდა.

"ჯალოროსისთან" კარს მომდგარ შეხვედრასთან დაკავშირებით ახალ ინფორმაციას La Gazzetta dello Sport ავრცელებს.

გამოცემის ცნობით, ლომბარდიული გრანდის მთავარი მწვრთნელი სტეფანო პიოლი "სალერნიტანასთან" მატჩში გამოყვანილი თერთმეტეულით კმაყოფილი დარჩა და, დიდი ალბათობით, "რომასთან" მატჩს გუნდი ზუსტად ამ შემადგენლობით დაიწყებს.