როგორც მოგეხსენებათ, "მილანი" სერია ა-ს ეგიდით "სალერნიტანას" ეწვია და მნიშვნელოვანი 3 ქულა მოიპოვა.

შეხვედრის შემდეგ "როსონერის" დაცვის ბურჯმა ფიკაიო ტომორიმ მედიასთან მცირე კომენტარი გააკეთა.

"ყველაზე მნიშვნელოვანი დღეს 3 ქულის მოპოვება იყო. მართალია თამაშის დასრულება უფრო ადრე შეგვეძლო, მაგრამ მთავარია, 3 ქულა მოვიპოვეთ, შესაბამისად, ბედნიერები ვართ.

სერია ა-ში თამაში მომწონს. ეს ჩემთვის განსაკუთრებული შეგრძნებაა. ამხანაგური მატჩები მხოლოდ წუთების მისაღებადაა, დღევანდელი გამარჯვება კი მნიშვნელოვანი იყო.

ჩვენ ძლიერი გუნდი ვართ. როცა აქ მოვედი, მინდოდა, რომ ყოველ კვირა მნიშვნელოვანი მატჩები გვქონოდა. აი, ჩვენ აქ ვართ, ყველა შეხვედრას მომზადებული უნდა დავხვდეთ და საუკეთესო შთაბეჭდილება უნდა დავტოვოთ," - განაცხადა ტომორიმ.