"მილანის" სატრანსფერო სიახლეები და ახალი ბიუჯეტის შეფასება

image
„მილანი“ არ გადაუხდის „ტოტენჰემს“ ზედმეტ თანხას

ეს შეიძლება მივიჩნიოთ ამ სტატიის ერთ-ერთ ქვესათაურად. როგორც ჩემს წინა სტატიაში ავღნიშნე, ძალიან ბევრი რამ იწერება „მილანის“ გაყიდვასთან დაკავშირებით და არანაკლებ მის სატრანსფერო გეგმებზე. ლუკას პერესის შესაძლო ტრანსფერზე უკვე ვისაუბრეთ, ახლა ჯერი სისოკოზე დადგა. როგორც ქვესათაურიდან ხვდებით, ეს ტრანსფერი მაღალი ალბათობით არ განხორციელდება, თუ სატრანსფერო პირობები იგივე დარჩება.

„ტოტენჰემის“ ფანები სხვადასხვა სოციალურ ქსელში დიდი აღტაცებითა და სიხარულით წერდნენ, რომ სისოკოს „როსონერი“ შეიერთებდა და სანაცვლოდ ისინი 30 მილიონ ევროს მიიღებდნენ. ფრანგი ნახევარმცველის საბაზრო ღირებულება 20 მილიონ ევროს შეადგენს, რაც მის კარიერაში რეკორდული მაჩვენებელია, თუმცა ეს იმას არ ნიშნავს, რომ 27 წლის ფეხბურთელისთვის 20 მილიონ ევროზე მეტის გადახდა არარაციონალურია. ზოგადად ფეხბურთელის საბაზრო ღირებულება რეალურ სატრანსფერო თანხასთან შედარებით დაბალია. მაგალითად, ჯანლუიჯი დონარუმას საბაზრო ღირებულება 20 მილიონი ევროა, თუმცა უღირს „მილანს“ მისი დათმობა ამ თანხად? ვფიქრობ, არც 20 და არც 100 მილიონ ევროდ არ უნდა დათმოს კლუბმა ეს ვუნდერკინდი.

დავუბრუნდეთ სისოკოს, რომელზეც მონტელამ აღნიშნა, რომ იგი იქნებოდა იდეალური შენაძენი „მილანისთვის“, იმ ფონზე, რომ შესაძლოა კლუბი ევროპული ჩემპიონატების მიღმა დარჩეს და ასეთ დროს რთულია დაიყოლიო ფეხბურთელი გუნდში გადმოსვლაზე. თუმცა, ხაზგასასმელია ის ფაქტი, რომ არც „მილანს“ უღირს 30 მილიონი ევროს გადახდა ფეხბურთელში, რომლის გაყიდვაზეც მისივე კლუბის გულშემატკივრები ოცნებობენ.


მნიშვნელობა არ აქვს თუ რა თანხა გადაიხადა „ტოტენჰემმა“ სისოკოს სანაცვლოდ, რადგან ვფიქრობ, რომ ეს ის შემთხვევაა, როდესაც კლუბისთვის რაღაცის ღირებულება ემთხვევა ფეხბურთელის საბაზრო ღირებულებას ანუ „მილანს“ დღეს სისოკოს სანაცვლოდ მხოლოდ 20 მილიონი ევრო ემეტება. თუმცა, ცალკე განხილვის თემაა ის, თუ საერთოდ რატომ ფიქრობს „როსონერი“ სისოკოს შეძენაზე. რატომ დაინტერესდა იტალიური გრანდი ფრანგი ფეხბურთელით, მითუმეტეს იმ ფონზე, როცა კლუბში ახალი მმართველობის მოსვლას წინ არაფერი უდგას? ანუ „მილანს“ აქვს მეტი ოფცია და შესაბამისად შეუძლია უკეთესი შენაძენის განხორციელება. ხოლო „ტოტენჰემის“ მხრიდან იმ ფულის „ამოღება“, რაც სისოკოში გადაიხადეს და ფაქტიურად დაკარგეს, შესაძლებელია ამ უკანასკნელის ჩინეთში გაშვებით, სადაც ევროპელ ფეხბურთელებში დიდ თანხებს იხდიან, ხოლო ფეხბურთელებს მაღალი ხელფასებით ანებივრებენ. ასეთ შემთხვევაში, როგორც „მილანის“ ისე „ტოტენჰემის“ გულშემატკივარი კმაყოფილი დარჩება.


ახალი ბიუჯეტი და განხორციელებული ტრანსფერების შეფასება

ზაფხულის სატრანსფერო ბაზარზე სერია ა-ში დაიხარჯა 590 მილიონი ევრო. დღეს კი შემოგთავაზებთ „მილანის“, „რომასა“ და „ინტერის“ სატრანსფერო ცვლილებებს.

„მილანს“ შეუერთდნენ: ჯანლუკა ლაპადულა (7.65 მილიონი ევრო), გუსტავო გომესი (7.65 მილიონი ევრო), ხოსე სოსა (6.23 მილიონი ევრო) მარიო პასალიჩი (850 ათასი ევრო), მატი ფერნანდესი (680 ათასი ევრო), ვანჯიონი (უფასოდ). ჯამში დაიხარჯა 22.78 მილიონი ევრო

„მილანიდან“ წავიდნენ: ელ შარავი (11.05 მილიონი ევრო), სიმონე ვერდი (1.28 მილიონი ევრო), კევინ პრინც ბოატენგი (უფასოდ), ალესანდრო მატრი (უფასოდ), ფერნანდო ტორესი (უფასოდ), ჟერემი მენესი (უფასოდ). ჯამში კლუბმა მიიღო 12.33 მილიონი ევრო.

როგორც ვხედავთ, მილანს პროდუქტიული და აქტიური სატრანსფერო ფაზა არ ჰქონია. მიუხედავად იმისა, რომ საუბარი იყო კლუბში ახალი მფლობელების მოსვლაზე და იმაზე, რომ „როსონერი“ დიდ თანხებს დახარჯავდა ზაფხულის ტრანსფერებზე. გულშემატკივარი ელოდებოდა ხუან კუადრადოს, სესკ ფაბრეგასსა და მანგალას. მიუხედავად ჭორებისა, „როსონერის“ ფანებს იმედები გაუცრუვდათ.


„რომას“ შეუერთდნენ: გერსონი (14.11 მილიონი ევრო), მოჰამედ სალაჰი (12.75 მილიონი ევრო), ელ შარავი (11.05 მილიონი ევრო), ედინ ძეკო (9.35 მილიონი ევრო), დიეგო პეროტი (7.65 მილიონი ევრო), ანტონიო რუდიგერი (7.65 მილიონი ევრო), ალისონი (6.80 მილიონი ევრო), მარიო რუი (2.55 მილიონი ევრო - იჯარით), ერვინ ზუკანოვიჩი (2.38 მილიონი ევრო), ხუან ხესუსი (1.70 მილიონი ევრო - იჯარით), ფედერიკო ფაციო (1.02 მილიონი ევრო), ბრუნო პერესი (850 ათასი ევრო), ტომას ვერმალენი (იჯარით). ჯამში დაიხარჯა 83.39 მილიონი ევრო.

„რომადან“ წავიდნენ: პიანიჩი (27.20 მილიონი ევრო), ადემ ლიაიჩი (7.23 მილიონი ევრო), დოდო (6.63 მილიონი ევრო), ანტონიო სანაბრია (6.38 მილიონი ევრო), მატეო პოლიტანო (2.98 მილიონი ევრო), დოუმბია (1.70 მილიონი ევრო - იჯარით), ერვინ ზუკანოვიჩი (850 ათასი - იჯარით), ლეონარდო კასტანი (425 ათასი ევრო - იჯარით), პეტინარი (340 ათასი ევრო - იჯარით), ალესანდრო კრეშენცი (255 ათასი ევრო), ტომას ვესტენიცკი (255 ათასი ევრო). ჯამში კლუბმა მიიღო 54 მილიონი ევრო.

„რომამ“ პიანიჩი გაყიდა, რაც ვფიქრობ დედაქალაქელებს გულს დაწყვეტდა, თუმცა მიუხედავად ამისა, მოჰამედ სალაჰის, ელ შარავის, რუდიგერის, ძეკოსა და პეროტის ტრანსფერებმა გაამართლა.

„ინტერს“ შეუერთდნენ: ჟოო მარიო (34 მილიონი ევრო), გაბრიელი (23 მილიონი ევრო), კანდრევა (28.70 მილიონი ევრო), დოდო (6.63 მილიონი ევრო), კრისტიან ანსალდი (5.10 მილიონი ევრო), მარცელო ბროზოვიჩი (4.25 მილიონი ევრო), ჯანლუკა კაპრარი (3.83 მილიონი ევრო), რეი მანაი (425 ათასი ევრო), ევერ ბანეგა (უფასოდ). ჯამში დაიხარჯა 96.31 მილიონი ევრო.

„ინტერიდან“ წავიდნენ: კრისტიანო ბირაგი( 3.40 მილიონი ევრო), დიეგო ლაქსალტი (3.40 მილიონი ევრო), ლორენცო კრისტიგი (2.30 მილიონი ევრო) ხუან ხესუსი (1.70 მილიონი ევრო - იჯარით). ჯამში კლუბმა მიიღო 10.80 მილიონი ევრო.

„ინტერმა“ მის სატრანსფერო ბიუჯეტის უმეტესი ნაწილი, უფრო კონკრეტულად კი 76.08 მილიონი ევრო დაუთმო შემტევ ფეხბურთელებს: ჟოო მარიოს, გაბრიელსა და ანტონიო კანდრევას.

დღეს „რომაც“ და „ინტერიც“ საკმაოდ კარგ ფეხბურთს თამაშობს, ხოლო დედაქალაქელების წარმატებულმა სატრანსფერო მოქმედებებმა, რომ დადებითი შედეგი გამოიღო, ეს კლუბის სატურნირო პოზიციაზეც აისახება. ხოლო რაც შეეხება „ინტერს“, ისინი საკმაოდ კარგ ფორმაში არიან და დიდი მიზნებისთვის ემზადებიან. რაც შეეხება „მილანს“ და ჭორებს, რომ 2017 წლის ზაფხულში 110-140 მილიონი ევრო დაიხარჯება, თუ გამართლდა, ვფიქრობ, რომ „როსონერი“ შეძლებს და ამ თანხის სანაცვლოდ კლუბს საგრძნობლად გააძლიერებს კარგი და ჭკვიანური სატრანსფერო ნაბიჯების გადადგმის შემთხვევაში. ბევრგან დაიწერა, რომ ეს არ არის თანხა, რომელიც ძველ „მილანს“ დაგვიბრუნებს და რომ მეტი გვჭირდება, თუმცა ერთი რამ ფაქტია, იმაზე ორჯერ მეტი რომც დაიხარჯოს, რა თანხებზეც საუბარია, არასწორი პოლიტიკის შემთხვევაში კლუბი ვერ განვითარდება და შესაძლოა უფრო ღრმად ჩაეშვას ჭაობში.

მოკლედ, „მილანს“ სჭირდება უფრო მეტად სწორი პოლიტიკა, ვიდრე ფული, მაგრამ ეს უკანასკნელი არის დღევანდელ ფეხბურთში ერთ-ერთი უმნიშვნელოვანესი იარაღი კლუბის გასაძლიერებლად. შესაბამისად, თუ ჭორები გამართლდა და სწორი მენეჯმენტიც ეღირსება იტალიურ გრანდს, „როსონერი“ კვლავ დაუბრუნდება დიდების მწვერვალს.
скачать dle 10.5фильмы бесплатно

კომენტარები 5

omahyt
omahyt 18 აპრილი 2017 04:29
RoSSoNeRi 23 თებერვალი 2017 22:21
მთავარია ეს ფული სწორად დაიხარჯოს დონარუმა კი რატქმაუნდა არგაიყიდება ამ 130 მილიონით კი 4 ფეხბურთელზე მეტი არუნდა იყიდონ 2 მცველი 1 ნახევარმცველი და 1 კარგი ცენტრფორვარდი მაგალითად ბელოტი ან ლუკაკუ
VAKHO 23 თებერვალი 2017 20:29
შეხედეთ სევილიას,მონაკოს რა მაგარი გუნდები არიან და არამგონია 100 მილიონზე მეტი დახარჯულიყო ტრანსფერებისთვის.მთავარი არის კარგი სატრანსფერო პოლიტიკა და არა 150 მილიონინი ფეხბურთელის მოყვანა.ამ ეტაპზე აუცილებელია ერთი ვარსკვლავის მოყვანა გუნდს იმიჯი რომ გამოუსწორდეს და შემდეგ შეიძლება კარგ ახალგაზრდებზე აქცენტის გაკეთება .მაგალითად უნდა მოიყვანონ ფაბრეგასი(30),ტილემანი(25),ბერნარდესკი(35) ,ლუკაკუ(70) და დე ვრეი(35).ე გუნდი უპრობლემოდ გავა ლიგაზე .შემდეგ სეზონში კიდევ გააძლიერებენ ერთი -ორი კარგი ფეხბურთელით და გვეშველება ალბათ რამე ჩვენც.მთავარი მაინც მონტელას შენარჩუნებაა .
ROSSONERO 23 თებერვალი 2017 14:01
მართალია მარიამ, მაგრამ მაგას არც გეგმავენ იმედია :)) აქ უფრო სხვა კონტექსტში იყო ნახსენები დონარუმას გაყიდვა...

რაც შეეხება სისოკოს - მოაშორეთ!

130 მილიონი მართლა რომ დაიხარჯოს და გაყიდული ფეხბურთელების ჰაჰა 20-30 მილიონიც დაემატოს (ბაკაც თუ მიაყიდეს), შეგვიძლია იუვეს დონის თუ არა მე-2 ადგილის გუნდი მაინც დავაყენოთ...

ვნახოთ რას იზამს ფასონე :)
Mariamooo 23 თებერვალი 2017 13:53
სტატიბში სადაც დონარუმას გაყიდვაზე და იმ ფულით უკვე ძლივს შემდგარ ფეხბურთელების მოყვანაზეა საუბარი ძაან მაღიზიანებს, მულტი მილიონერები მოდიან და დონარუმას გაყიდვაზე როგორი შეიძლება რამე დაიწეროს, როცა ვითომ მოდიან ასაშენებლად და არა თითქმის უკვე შემდგარი 18წლის ბიჭის ჯანლუიჯი ბუფონის ღირსეული შემცვლელის გაყიდვაზე ფიქრობენ დავიჯერო?! რაღაც არამგონია, პირიქით ყველაფერი ასე მგონია დონარუმაზე აეწყობა

კომენტარის დამატება

კოდის განახლება
* გაიარეთ საიტზე ავტორიზაცია, რაც კომენტარის დატოვების პროცედურას გაგიმარტივებთ
გამოკითხვა

5 ბალიანი სისტემით, როგორ შეაფასებდით "მილანის" სატრანსფერო პოლიტიკას?


დანაკლისი
დისკვალიფიცირებული: არავინ
ტრავმირებული: კალდარა

რეკლამა
Image
შემოგვიერთდით
მულტიმედია
Image
Image
Image
Image
Image
Image
Image
Image
Image