"არსენალის" ფორვარდის შესაძლო ტრანსფერი "მილანში" და რეალური მდგომარეობა

image
"მილანის" მფლობელთა ცვლილებასთან ერთად ბევრი რამ იწერება სავარაუდო ტრანსფერებზე. ბევრი სტატიის საფუძველს შესაძლოა სიმართლე წარმოადგენდეს, თუმცა "მილანის" გულშემატკივარი მხოლოდ იმ დიდებული კლუბის მოლოდინშია, რომელიც წლების წინ ევროპას შიშის ზარს სცემდა. დღეს კი არაერთი სტატია დაიწერა "არსენალის" ფორვარდზე, ლუკას პერესზე, რომელიც ლონდონის "არსენალმა" ოფიციალურად 2016 წელს 4 წლიანი კონტრაქტით გაიფორმა.

ფორვადმა თავი საფეხბურთო სამყაროს ესპანეთის პრიმერა დივიზიონში, "დეპორტივოს" მაისურით დაამახსოვრა, როცა 17 გოლი გაიტანა და 10 ასისტის გაკეთება მოახერხა. იმ პერიოდში, როცა "მეთოფეებმა" ფეხბურთელი გაიფორმეს, ბევრი რამ იწერებოდა იმასთან დაკავშირებით, რომ ლუკასი "ბარსელონას" სამიზნეს წარმოადგენდა.

თუმცა დღეს გავრცელდა ინფორმაცია, რომ ფორვარდის აგენტი გამოთქვამს მზაობას ლუკასის "მილანში" გადასვლასთან დაკავშირებით. უფრო ზუსტად რომ ვთქვათ, როგორც პრესაში დაიწერა, მართალია აგენტს არავინ დაკავშირებია კონკრეტული წინადადებით, თუმცა აღნიშნულის შემთხვევაში ფეხბურთელთან ერთად სიამოვნებით განიხილავს "მილანის" შემოთავაზებას.

როგორც შემდეგ გახდა ცნობილი, აგენტს ინტერვიუ არ მიუცია Calciomercato-სთვის, რომელიც ზემოთხსენებული ინფორმაციის პირველწყაროა. მიუხედავად ამ ყველაფრისა, ერთი რამ ფაქტია, რომ ფეხბურთელი მაღალი ალბათობით არ არის კმაყოფილი ლონდონში ყოფნით, რადგან არ ეძლევა საკმარისი სათამაშო დრო. აქვე უნდა აღინიშნოს, 17 შეხვედრაში ლუკას პერესმა შეძლო და "არსენალის" მაისურით გაიტანა 8 გოლი და გააკეთა 5 საგოლე გადაცემა.

რამდენად რეალურია ლუკას პერესის მხრიდან "არსენალის" დატოვება? თუ გავითვალისწინებთ, რომ ლუკასმა სასტარტო შემადგენლობაში ადგილი დაკარგა, რადგან არ ჯდებოდა ვენგერის სათამაშო გეგმაში, შეგვიძლია წარმოვიდგინოთ შესაძლო ცვლილებები. თუ მწვრთნელი გადაწყვეტს, რომ სანჩესი დააბრუნოს თავის პოზიციაზე, კერძოდ კი ფლანგზე, ამ შემთხვევაში ჟირუ აუცილებლად შეეცდება თავისი ადგილის დამკვიდრებას ძირითად შემადგენლობაში. ამ უკანასკნელს კი 24 შეხვედრაში 11 გოლი აქვს გატანილი და 5 საგოლე გადაცემა გაკეთებული. ამავდროულად ველბეკი დაუბრუნდა ფორმას და ნელ-ნელა ერთვება ვენგერის სათამაშო სტილში. ჩემპიონთა ლიგაზე "არსენალის" ბოლო თამაშიდან კი ჩანდა, რომ ალექსი სანჩესი ფორმალურად იყო ფორვარდი, რეალურად კი ფლანგზე თამაშობდა და "მეთოფეებს" ფაქტობრივად თავდამსხმელი არ ყავდა. ამ დროს კი ყველაზე ხელსაყრელი ჟირუს შემოყვანაა ვენგერის ტაქტიკისთვის. შესაბამისად, ლუკას პერესმა ან სეზონის ბოლომდე უნდა დაამტკიცოს რომ კლუბში შეუცვლელია ან მისი კონტრაქტი "მეთოფეებთან" დიდხანს არ გაგრძელდება.

შეძლებს კი "მილანი" ლუკას პერესის შეძენას? ამასთან დაკავშირებით იმის თქმა შეგვიძლია, რომ კლუბს ახალი მფლობელების ფონზე დიდი ფინანსური პოტენციალი აქვს, როგორც სახელფასო ისე სატრანსფერო ბიუჯეტის თვალსაზრისით. თუმცა ცალკე განხილვის თემაა ის, თუ რამდენად გამოადგება "მილანს" ლუკასი. რამდენად შეუწყობს ფორვარდი "როსონერისთვის" ძველი დიდების დაბურნების გეგმას ხელს?
скачать dle 10.5фильмы бесплатно

კომენტარები 4

JAO_MILAN საიტზეა
JAO_MILAN 22 თებერვალი 2017 00:04
სანჩესი მოიყვანონ არსენალიდან, ეს დატოვონ ლონდონში
Mariamooo 21 თებერვალი 2017 22:43
Thums up ავტორს
rossonero11 21 თებერვალი 2017 22:29
ამას ბაკა ჯობია 10000 თავით laughing
milann 21 თებერვალი 2017 22:17
არ მომწონს მე ეს ;XXX

კომენტარის დამატება

კოდის განახლება
* გაიარეთ საიტზე ავტორიზაცია, რაც კომენტარის დატოვების პროცედურას გაგიმარტივებთ
გამოკითხვა

5 ბალიანი სისტემით, როგორ შეაფასებდით "მილანის" სატრანსფერო პოლიტიკას?


დანაკლისი
დისკვალიფიცირებული: არავინ
ტრავმირებული: კალდარა

რეკლამა
Image
შემოგვიერთდით
მულტიმედია
Image
Image
Image
Image
Image
Image
Image
Image
Image