ვინ დატოვებს "მილანს"?! - პრესაში 8 მთავარი კანდიდატები დაასახელეს

image

განახლებული "მილანის" სატრანსფერო ბაზარზე ძალიან ბევრს საუბრობენ. ფაქტობრივად გადაწყვეტილი საკითხია, რომ "როსონერი" ზაფხულში შემადგენლობას რადიკალურად შეცვლის და ამისთვის სატრანსფერო ბიუჯეტს 150 მლნ. ევრომდე გამოყოფს.

ახალი ფეხბურთელების მოსვლა, რა თქმა უნდა, რამდენიმე ამჟამინდელი მოთამაშის გუნდიდან წასვლას ნიშნავს. აპენინურ პრესაში "როსონერის" დატოვების 8 მთავარი კანდიდატი გამოკვეთეს.

ხერარდ დეულოფეუ: მართალია, ესპანელი შემტევი "მილანს" არაჩვეულებრივად მოერგი და მისი დატოვებაც კი სურთ, მაგრამ ამ შემთხვევაში სიტუაციას ლომბარდიული გრანდი ვერ აკონტროლებს. დეულოფეუს უფლებებს "ევერტონი" ფლობს, კატალონიის "ბარსელონას" კი მისი გუნდში დაბრუნება სურს და კონტრაქტით გათვალისწინებული უფლების გამოყენებას გეგმავს.

მარკო სტორარი: 40 წლის გოლკიპერი "იუვენტუსიდან" "მილანში" უბრალოდ მეკარეების 3 აგილის შესავდებად მოვიდა და გამოუვალ სიტუაციების გარდა მატჩების ჩატარების ამბიციაც კი არ ჰქონდა. მისი ასაკიდან გამომდინარე, არ არსებობს შანსი, რომ მომავალ სეზონშიც დარჩეს "როსონერის" რიგებში. ამაზე ის მისი კონტრაქტიც მეტყველებს, რომელსაც ვადა მომდევნო თვის ბოლოს გადის.

ლუკას ოკამპუსი: მართალია, სრულ მატჩებში არა, მაგრამ არგენტინელ შემყევს საკმაოდ ბევრი შანსი მიეცა "მილანის" რიგებში, მაგრამ ისეთი თამაშის ჩვენება მაინც ვერ შეძლო, რომ მისი გუნდში დატოვება ღირდეს. ოკამპოსის სატრანსფერო უფლებებს ფრანგული "მარსელი" განკარგავს და დიდი ალბათობით, ვინჩენცო მონტელა მის გამოსყიდვას არ ისურვებს.

კეისუკე ჰონდა: იაპონელი ნახევარმცველი "როსონერიში" დიდი ამბიციებით გადმოვიდა, საწყის სეზონებში არაუშავდა, მაგრამ მონტელას ხელში მას სათამაშო დრო ძალიან იშვიათად ეძლევა და მისი თამაშის ხარისხიც უკან და უკან მიდის. ჰონდას კონტრაქტის ვადა 30 ივნისს მთავრდება და გახანგრძლივების შანსი ფაქტობრივად არ არსებობს. ასე რომ, კეისუკე თავისუფალი აგენტის სტატუსით წავა "შავ-წითლებიდან".

კარლოს ბაკა: კოლუმბიელი "მილანის" ერთ-ერთი ლიდერი და ბომბარდირია, მაგრამ ვერ ვიტყვით, რომ ისეთივე დონეზე თამაშობს, როგორც "სევილიაში". მისი გაყიდვის შესახებ უკვე დიდი ხანია ბევრს წერენ და სავარაუდოდ მოახლოებული სატრანსფერო ბაზარიც გადამწყვეტი იქნება. თავის მხრივ, ჩინელი ხელმძღვანელები მაღალი დონის ფორვარდის მოყვანას გეგმავენ და კოლუმბიელის ბედი სწორედ ამაზე იქნება დამოკიდებული.

მ'ბაიე ნიანგი: ფრანგი თავდამსხმელი იჯარის წესით "ვოტფორდში" ასპარეზობს და პრემიერლიგელებს მისი თამაში ბოლო დროს ხიბლავთ. სავარაუდოდ ნიანგს ინგლისელები გამოისყიდიან, მაგრამ თუ ეს არ მოხდა, არც მონტელა გადაწყვეტს მის გუნდში დატოვებას და ან კვლავ იჯარის წესით გაანათხოვრებს, ან სრულად გაყიდის.

ჯანლუკა ლაპადულა: შეიძლება ითქვას, სერია B-ს გასული სეზონის ბომბარდირმა "მილანში" ადგილი სათანადოდ ვერ დაიმკვიდრა და იმ ფაქტით, რომ "როსონერი" ახალი თავდამსხმელის ან თავდამსხმელების ყიდვას გეგმავს, იტალიელის ადგილი გუნდში აღარ რჩება. დიდი ალბათობით, ის "როსონერის" რიგებს დატოვებს, მაგრამ იტალიის ჩემპიონატს არა.

ანდრეა პოლი: იტალიელი ნახევარმცველი მებძოლი და შრომის მოყვარული ფეხბურთელია. საწყის სეზონებში ძირითად შემადგენლობებში მას უფრო ხშირად ვხედავდით, თუმცა ბოლო დროს სათადარიგოთა სკამის სტაბილურ ფეხბურთელად იქცა და ალბათ ეს თავად მასაც არ მოსწონს. ამიტომ აპენინელი ექსპერტები ვარაუდობენ, რომ ზაფხულში "მილანს" ანდრეა პოლიც დატოვებს.
скачать dle 10.5фильмы бесплатно
Image

კომენტარები 1

JAO_MILAN 8 მაი 2017 21:48
დეულოფეუს გარდა ყველა გასაშვებია,პლუს ამათ უნდა მიამატო საპატა პალეტაც, ყველა რგოლშიჭირდება შველა გუნდს

კომენტარის დამატება

კოდის განახლება
* გაიარეთ საიტზე ავტორიზაცია, რაც კომენტარის დატოვების პროცედურას გაგიმარტივებთ
რეკლამა

დანაკლისი
დისკვალიფიცირებული: არავინ
ტრავმირებული: კალდარა, ბონავენტურა

გამოკითხვა

თქვენი აზრით რომელ პოზიციას დაიკავებს "მილანი" სერია A-ს მომდევნო სეზონში?

რეკლამა
Image
შემოგვიერთდით
Image
Image
Image
Image
Image
Image
Image
Image
Image