მაიკ მენიოს და ზლატან იბრაჰიმოვიჩის მრავალთვიანი ტრავმების დასრულების შემდეგ "მილანის" ლაზარეთიდან პოზიტიური ცნობების გაჟღერება გრძელდება. 

კლუბის სამედიცინო შტაბის მიერ გავრცელებული ინფორმაციით, ძირითადი შემადგენლობის კიდევ ორმა ფეხბურთელმა, ისმაელ ბენასერმა და დავიდე კალაბრიამ ტრავმები მოიშუშეს და სრული დატვირთვით ვარჯიში განაახლეს.

ფეხბურთელები სერია ა-ს მომდევნო ტურში, რომელსაც "როსონერი" "ფიორენტინასთან" გამართავს, სტეფანო პიოლის განკარგულებაში იქნებიან, თუმცა, დიდი ალბათობით, მათ სათადარიგოთა სკამზე ვიხილავთ.