როგორც მოგეხსენებათ, რაფაელ ლეაოს "მილანთან" კონტრაქტი 2024 წლის 30 ივნისს ეწურება, მხარეები კი ახალ ხელშეკრულებაზე შეთანხმებას ვერ ახერხებენ.

მრავალი თვეა, იტალიურ მედიაში ვრცელდება ცნობები, რომ პორტუგალიელი ახალი კონტრაქტის დადებასთან ახლოს იყო, თუმცა საბოლოოდ არაფერი გამოვიდა.

ამჯერად, ცნობილი და გავლენიანი იტალიური გამოცემა La Gazzetta dello Sport არც თუ ისე სახარბიელო ინფორმაციას ავრცელებს.

გამოცემის ცნობით, "როსონერი" და ლეაო ერთმანეთისგან ისე შორს არიან, როგორც არასდროს. ფეხბურთელსა და კლუბს შორის არც თუ ისე კარგი ურთიერთობაა, რამაც შესაძლოა, მისი წასვლა გამოიწვიოს.