ჟურნალისტ დანიელე ლონგოს ცნობით, "როსონერის" მესვეურები ფრანგ მეკარესთან უახლოეს დღეებში მოლაპარაკებებს დაიწყებენ და გაუმჯობესებულ ხელშეკრულებას შესთავაზებენ.

მენიოს მიმდინარე კონტრაქტი "მილანთან" 2026 წლის ზაფხულამდე აკავშირებს, "როსონერი" კი მას ხელშეკრულების 2028 წლის ზაფხულამდე გახანგრძლივებას შესთავაზებს. გასამრჯელო კი 4-4.5 მილიონამდე გაიზრდება.

შეგახსენებთ, რომ 28 წლის მეკარე "შავ-წითლების" რიგებში 2021 წლის ზაფხულიდან ასპარეზობს. მის აქტივში 68 მატჩში 29-ჯერ შენახული კარია.

ესპანური "Mundo Deportivo"-ს ინფორმაციით, უეფამ "მილანი" და "პარი სენ-ჟერმენი" ფინანსურად დააჯარიმა.

ფრანგებს ევროპული ფეხბურთის მმართველი ორგანოსთვის 98 ათასი ევროს გადახდა მოუწევს. საქმე ჩემპიონთა ლიგის მე-3 ტურში "პსჟ" - "მილანის" მატჩისას გულშემატკივრებს შორის არეულობაა. როგორც გაირკვა, ფრანგთა ქომაგებმა პიროტექნიკა გამოიყენეს და სტადიონის შესასვლელის ნაწილი გადაკეტეს.

რაც შეეხებათ იტალიელებს, "როსონერის" 23 ათასი ევრო დაეკისრა ჯარიმად. "მილანის" ქომაგებმაც ასევე გამოიყენეს პიროტექნიკა. აღსანიშნავია, რომ ორივე კლუბის დაჯარიმების ერთ-ერთი მიზეზი გულშემატკივრებს შორის დაპირისპირებაცაა.

"მილანი" და "პსჟ" ჩემპიონთა ლიგის F ჯგუფში არიან. ფრანგები 6 ქულით მე-2 პოზიციას იკავებენ, იტალიური გრანდი კი 5 ქულით მე-3 ადგილზეა.

სტეფანო პიოლიმ "ფიორენტინასთან" მატჩის 83-ე წუთზე 15 წლის თავდამსხმელი ჩართო თამაშში, რომელიც ისტორიაში შევიდა. მან სერია A-ში 15 წლისა და 260 დღის ასაკში ითამაშა, რაც რეკორდია.

აქამდე რეკორდი ვისდომ ამეის ეკუთვნოდა, რომელმაც 2021 წელს "ბოლონია" – "ჯენოას" შეხვედრაში 15 წლისა და 274 დღის ასაკში ითამაშა.

გარდა ამისა, კამარდა "მილანის" ისტორიაშიც ყველაზე ახალგაზრდა დებიუტანტია. ამ შემთხვევაში მან პაოლო მალდინის რეკორდი გააუმჯობესა, რომელსაც 1985 წელს "უდინეზესთან" დებიუტი 16 წლისას ჰქონდა.

"მილანის" ვარსკვლავმა რაფაელ ლეაუმ ზლატან იბრაჰიმოვიჩთან ურთიერთობაზე იტალიურ მედიასთან ისაუბრა და ასევე განაცხადა, თუ ვისთან არის გუნდში ყველაზე ახლოს.

"როდესაც კარგად ვთამაშობდი ზლატანი არასდროს მელაპარაკებოდა. ის რამეს მხოლოდ მაშინ მეუბნებოდა, როცა ცუდად ვთამაშობდი. იბრაჰიმოვიჩი მხოლოდ დეტალებზე იყო კონცენტრირებული და დრიბლინგი არ აინტერესებდა".

"ის მეუბნებოდა: რაფა, შენ ეს უნდა აკონტროლო. მაქსიმალურად ეცადე, რომ გოლის გატანაზე იყო კონცენტრირებული. ისეთი ნიჭი გაქვს, რომ შეცდომას ფიზიკურად ვერ დაუშვებ".

"ვისთან ვარ გუნდში ყველაზე ახლოს? ისმაილ ბენასერთან. მასთან შესანიშნავი ურთიერთობა მაქვს, ის ჩემი ძმაა", - ამობს ლეაუ.

შეგახსენებთ, რომ პორტუგალიელი გარემარბი "როსონერიში" 2019 წლიდან თამაშობს. ლეაუმ 2019 წლიდან დღემდე "მილანის" მაისური ყველა ტურნირზე ერთად 179-ჯერ მოირგო, 47 გოლი გაიტანა და 40 საგოლე გადაცემა შეასრულა.

ასევე გეტყვით, რომ ლეაუს ამ მომენტისთვის ტრავმა აქვს (ბარძაყის კუნთი დაიზიანა) და ამის გამო მინდორზე მინიმუმ 20 დღე ვერ გავა. პორტუგალიელი ფეხბურთელი ჩემპიონთა ლიგაზე დორტმუნდის "ბორუსიას" წინააღმდეგ ვერ ითამაშებს და ეს "როსონერისთვის" დიდი დანაკლისი იქნება.