"Le10Sport.com"-ის მტკიცებით, "მილანი" "ინტერს", "რომასა" და "ვალენსიას" შეუერთდა, რომლებიც ფლორიან ტოვინის შეძენის კანდიდატებად განიხილებიან. ფრანგი ნახევარმცველი 4-2-3-1 ტაქტიკისათვის იდეალური ფეხბურთელია.

"როსონერი" ტოვინს სუსოს შემცვლელად და კასტილეხოს კონკურენტად განიხილავს. სამი წლის მანძილზე ფლორიანმა "მარსელის" მაისურით 133 შეხვედრაში მიიღო მონაწილეობა და 59 გოლის გატანა შეძლო.

27 წლის ფეხბურთელს საფრანგეთის დატოვება აქვს გადაწყვეტილი და სამშობლოს გარეთაც სურს თავის გამოჩენა. ოლიმპიკელები თავიანთი გუნდის ერთ-ერთ ლიდერს დაახლოებით 25 მილიონ ევროდ აფასებენ.