"MilanNews-ის" მიერ გავრცელებული ინფორმაციის თანახმად, "მილანისთვის" ახალი ვარიანტი გამოიკვეთა, "პსვ-ს" ნახევარმცველის, იბრაჰიმ სანგარეს, სახით.

უფრო კონკრეტულად რომ ვთქვათ, კოტ დ'იუვარელი ფეხბურთელის აგენტმა მოთამაშე "როსონერის" შესთავაზა. 

როგორც ცნობილია, მისი ღირებულება 20 მილიონი ევროა. აღსანიშნავია, რომ იბრაჰიმის სახელმა ევროპაში რამდენიმე კლუბთან ერთად გაიჟღერა.

თუმცაღა, ჟურნალისტ ანტონიო ვიტიელოს ცნობით, შესაძლოა, პოტენციურ მოლაპარაკებაში ვარიანტად იჯარა გამოსყიდვის უფლებით ან ვალდებულებით ჩაირთოს, თუ ეინდჰოვენური კლუბი თანახმა იქნება ამაზე.