ფრანგი მილიარდელი ბერნარ არნო "ელიოტთან" მოლაპარაკებების გადამწყვეტ ფაზაშია. "მილანის" ამჟამინდელი ხელმძღვანელობა "ატალანტასთან" განადგურებას ძალიან ცუდად გამოეხმაურა და შესაძლოა გუნდი იანვარშივე გაყიდონ.

"La Repubblica"-ს მტკიცებით, ამერიკული კორპორაცია 1 მილიარდ ევროს ითხოვს, არნო კი დაახლოებით 800-900 მილიონ ევროს სთავაზობს. "Telelombardia"-ს თქმით კი ბერნარის პირადი ადვოკატი ანტონელო მარტინესი "ელიოტის" წარმომადგენლებს პირადად შეხვდა.

70 წლის ფრანგი ბიზნესმენი მსოფლიოს სამ ყველაზე მდიდარ ადამიანში შედის და მისი ქონება დაახლოებით 100 მილიარდ ამერიკულ დოლარს ითვლის. მისი საკუთრების ქვეშაა ისეთი ბრენდები, როგორებიცაა: "Louis Vuitton", "Moet & Chandon", "Dom Perignon", "Hennessy", "Dior" და "Bvlgari".