ანდრეა კონტი და დავიდე კალაბრია მიმდინარე სეზონში მოწოდების სიმაღლეზე ნამდვილად ვერ იმყოფებიან. შესაბამისად, "მილანის" სამწვრთნელო შტაბი მათი ჩამნაცვლებლების პოვნაზე ზრუნვას იწყებს.

Calcio mercato-ს ინფორმაციით, "როსონერის" რადარზე 3 მარჯვენა მცველია. ესენია: 

პაოლო გილიონე: "ჯენოას" ფეხბურთელს "მილანის" სკაუტები დააკვირდებიან, როგორც კი ის ტრავმას მოიშუშებს. მის ანგარიშზე აქამდე 22 მატჩში 5 ასისტი და 1 გოლია.

სერჟინო დესტი: 19 წლის "აიაქსელს" "ბაიერნიც" აქტიურად აკვირდება.მან ამ სეზონში 32 მატჩი ითამაშა და 6 ასისტი მიითვალა.

იენს ლარსენი: "უდინეზეს" მარჯვენა მცველმა მიმდინარე სეზონში 21 მატჩი ჩაატარა. მისი ტრანსფერის ალბათობა ზემოთხსენებულ ორთან შედარებით ძალიან მცირეა.