ბერლინის "ჰერტას" ახალწვეულმა  კრიშტოფ პიონტეკმა, რომელიც გერმანულ გუნდში ზამთრის სატრანსფერო ფანჯრის პერიოდში "მილანიდან" გადავიდა, განაცხადა, რომ "როსონერის" ფორვარდების ყოველ წელს შეცვლა ჩვევაში აქვს:

"მსგავსი რამ "მილანში" ხშირად ხდება. ისინი ცენტრალურ თავდამსხმელებს ყოველ წელს იცვლიან, ამიტომ, ალბათ, ეს უკვე ჩვევაა", - პიონტეკის სიტყვებს "Football Italia" ციტირებს.

პიონტეკი "მილანში" 2019 წლის იანვარში "ჯენოადან" გადავიდა. მიმდინარ სეზონში პოლონელმა მილანელთა მაისურით ჩატარებულ 20 მატჩში 5 გოლი გაიტანა. ფორვარდის დებიუტი უკვე ახალ გუნდშიც შედგა, კრიშტოფმა გერმანიის ბუნდესლიგის მე-20 ტურში, "შალკესთან" შეხვედრაში ითამაშა.