ლუის ალბერტოსა და "ლაციოს" შორის ურთიერთობა დღითიდღე იძაბება. ესპანელი ნახევარმცველი უკვე აღარ მალავს, რომ ზაფხულში კლუბის შეცვლას აპირებს და ამის ერთადერთი მიზეზი რომაელთა პრეზიდენტი კლაუდიო ლოტიტოა.

"არწივები" თავიანთი გუნდის ლიდერისა და ათიანის სანაცვლოდ 50 მილიონ ევროს ითხოვენ, რაც დაინტერესებულ კლუბებს აფერხებთ, თუმცა "მილანი" მოვლენების განვითარებას ყურადღებით აკვირდება.

"როსონერი" ამჟამად ჰაკან ჩალჰანოღლუსთან ახალი კონტრაქტის თაობაზე მოლაპარაკებებს აწარმოებს, თუმცა პროცესი ძალიან იწელება. იმ შემთხვევაში, თუ თურქ ათიანთან შეთანხმება ვერ შედგება, ესპანელი ფეხბურთელი ავტომატურად ლომბარდიელების მთავარი სამიზნე გახდება.