პირველ ინტერვიუში მარიო მანჯუკიჩმა განაცხადა, რომ გუნდის დასახმარებლად ნებისმიერ მომენტში მზადაა და "მილანში" ტიტულების მოსაგებადაა მოსული.

მანჯუკიჩის პირადმა მწვრთნელმა, ლუკა მილანოვიჩმა "Tuttosport"-თან ინტერვიუში განაცხადა, რომ მარიოს ოპტიმალურ ფორმაში ჩასადგომად დაახლოებით სამი კვირა დასჭირდება, თუმცა სათამაშოდ ახლაც მზადაა.

"Corriere della Sera"-ს ინფორმაციით, ხორვატი თავდამსხმელი "ატალანტასთან" შეხვედრისათვის გუნდის განაცხადში მოხვდება, თუმცა ადგილს სათადარიგოთა სკამზე დაიკავებს.