მიუხედავად იმისა, რომ "მილანი" ცენტრალური მცველის ძიებაშია, გუნდს ლეო დუარტე დატოვებს. მატეო მუსაკიო "როსონერიში" სეზონის ბოლომდე დარჩება და ზაფხულში კლუბს თავისუფალი აგენტის სტატუსით დატოვებს.

ბრაზილიელი ფეხბურთელი არ გაიყიდება და მეტი სათამაშო დროის მისაღებად ნახევარი სეზონით განათხოვრდება. ანტო ვიტიელო კი კონკრეტულ კლუბსაც ასახელებს, რომელთანაც შეთანხმება უკვე მიღწეულია.

საუბარია თურქეთის სუპერ ლიგის ბინადარ "ბაშაკშეჰირზე", რომელიც ქვეყნის მოქმედი ჩემპიონია და მიმდინარე სეზონში ჩემპიონთა ლიგაზეც ასპარეზობდა, თუმცა რთული მეტოქეების ხარჯზე ბოლო ადგილი ერგო და გათამაშებას გამოეთიშა.