ზლატან იბრაჰიმოვიჩის ხშირი ტრავმებისა და ასაკის გათვალისწინებით, "მილანის" ხელმძღვანელობა მისი შემცვლელის ძიებაშია. "Tuttosport"-ის მტკიცებით კი მთავარი სამიზნე ანდრეა ბელოტია.

მიუხედავად იმისა, რომ "ტორინო" საშინელ ფორმაში იმყოფება, ტურინელთა კაპიტანი მიმდინარე სეზონში მაინც კარგად გამოიყურება. მისი კონტრაქტი "ხარებთან" 2022 წელს იწურება, ამიტომ ურბანო კაირო ბელოტის სანაცვლოდ დიდ თანხას ვერ მოითხოვს.

გამოცემა იმასაც იუწყება, რომ იმ შემთხვევაში, თუ შვედი გიგანტი კონტრაქტის გახანგრძლივებაზე უარს იტყვის, ზაფხულში ანდრეა კლუბის ნომერ პირველი სამიზნე გახდება. მალდინისა და მასარას სახით მას "როსონერიში" ორი დიდი თაყვანისმცემელი ჰყავს.