"ნაპოლისთან" შეხვედრაში ტომასო პობეგამ პენალტი მოიპოვა, შემდეგ კი გამარჯვების გოლიც გაიტანა და "სპეციას" მნიშვნელოვანი სამი ქულა მოუტანა. მატჩის შემდეგ, ახალგაზრდა იტალიელმა ნახევარმცველმა "Radio Sportiva"-სთან ინტერვიუ ჩაწერა.

"იმედი მაქვს, "მილანის" ხელმძღვანელობამ "ნაპოლისთან" შეხვედრაში თვალი მადევნა, მაგრამ ამჟამად მხოლოდ "სპეციაზე" ვფიქრობ. მინდა, რომ "როსონერიში" დაბრუნებამდე მაქსიმალურად განვვითარდე, რათა შემადგენლობაში მოსახვედრად ბრძოლა შევძლო."

"ჩვენი მიზანია სერია ა-ში ადგილის შენარჩუნება და რაც შეიძლება მეტი ქულების დაგროვება. სერია ა ძალიან მაღალი დონის ჩემპიონატია. ჩემზე ყველაზე დიდი შთაბეჭდილება "სასუოლომ" მოახდინა. ემილიელები ძალიან მიმზიდველ ფეხბურთს თამაშობენ." - განაცხადა პობეგამ.