"მილანისა" და "იუვენტუსის" შეხვედრაში რამდენიმე ეპიზოდში ვიდეო არბიტრის ტექნოლოგია არ გამოიყენეს, რამაც ბევრი კითხვები დააგროვა. ამ კითხვებს კი ყოფილმა მსაჯმა, გრაციანო ცეზარიმ უპასუხა.

სავარაუდო პენალტის ეპიზოდში ირატი ახლოს იმყოფებოდა მომენტთან და ხელი აღმართა იმის ნიშნად, რომ წესების დარღვევა არ იყო. პროტოკოლის თანახმად კი ვიდეო რეფერის არ აქვს უფლება ჩაერთოს შეხვედრაში მსგავსი შემთხვევის პირობებში.

რაც შეეხება ბენტანკურის შესაძლო გაძევებას - შეეძლო მიეცა მეორე ყვითელი, მაგრამ ეს არ გააკეთა. VAR-ს შეუძლია მხოლოდ იმ შემთხვევაში ჩაერთოს მატჩში, როდესაც ფეხბურთელი შესაძლოა წითელი ბარათით დაისაჯოს და არა ყვითლით. არ აქვს მნიშვნელობა ეს ყვითელი პირველი იქნება თუ მეორე იმავე ფეხბურთელისათვის.