იანვრის სატრანსფერო ფანჯარაზე "მილანში" ახალ ფეხბურთელებს ელიან, თუმცა საჭიროა რამდენიმეს გაშვება. "Tuttosport"-ის მტკიცებით, დღეს "როსონერის" რამდენიმე საინტერესო წინადადება ჰქონდა, თუმცა ყველა დაბლოკა.

პირველი იენს ჰაუგეზე იყო, რომლის დამატებაც ლევერკუზენის "ბაიერს" უნდოდა სეზონის ბოლომდე, თუმცა ლომბარდიულ გრანდს არ სურს ნორვეგიელი ტალანტის ბუნდესლიგაში განათხოვრება და შეთავაზება დაბლოკა.

მეორე შეთავაზება რადე კრუნიჩზე იყო. "ტორინო", "ფიორენტინა", "ჯენოა" და "ბოლონია" ცდილობდნენ მის გადაბირებას, თუმცა "მილანმა" ოთხივე იტალიური კლუბის წინადადება უარყო, რადგან პიოლის ბოსნიელი ნახევარმცველის მინიმუმ ზაფხულამდე შენარჩუნება უნდა.