გუშინდელ შეხვედრაში, რომელიც ანგარიშით 0-0 დასრულად და ტურინელები სტუმრად გატანილი გოლის წყალობით ფინალში გავიდნენ, ერთი საეჭვო ეპიზოდი იყო, რომელმაც მილანელთა პროტესტი გამოიწვია.

მატჩის 42-ე წუთზე ჩალჰანოღლუს ჩამოწოდებული ჯარიმის შემდეგ, კიაერზე ლეონარდო ბონუჩიმ ზეწოლა მოახდინა. ამ ყველაფერს ლომბარდიული გრანდის პროტესტი მოჰყვა და ფეხბურთელებმა მსაჯს VAR-ის გამოყენებაზე მიუთითეს.

საბოლოოდ, მსაჯმა VAR არ გამოიყენა. "Gazzetta Dello Sport"-ის მიერ გავრცელებული ინფორმაციის თანახმად, დანიელე ორსატოს ვიდეო რეფერიმ ყურში ჩასძახა, რომ ჯარიმის ჩამოწოდების მომენტში კიაერზე თამაშგარე მდგომარეობა ფიქსირდებოდა.