იტალიური მედია თვეებია, რაც ბერნარ არნოსა და "ელიოტს" შორის მოლაპარაკებებზე საუბრობს, თუმცა ამ დრომდე რაიმე კონკრეტული არ სახელდებოდა.

"La Repubblica"-ს მიერ გავრცელებული ინფორმაციის თანახმად, რამდენიმე უარის შემდეგ არნომ სუპერ შეთავაზება გააკეთა და ამერიკელებს "როსონერის" სანაცვლოდ 975 მილიონი ევრო შესთავაზა.

ჯერჯერობით "ელიოტის" პასუხი უცნობია, მაგრამ არაა გამორიცხული ასეთ კოლოსალურ შეთავაზებას დათანხმდნენ. შეგახსენებთ, რომ ფრანგი მილიარდელის ქონება 110 მილიარდ ამერიკულ დოლარადაა შეფასებული.