მადრიდის "ატლეტიკო" ანხელ კორეას სანაცვლოდ 55 მილიონ ევროს ითხოვს, რაც "მილანისთვის" მიუღებელია, ამიტომ იტალური კლუბი ალტერნატიულ ვარიანტებსაც ეძებს.

"Corriere dello Sport"-ის მტკიცებით, არგენტინელი შემტევის მთავარი ალტერნატივა 21 წლის ნახევარმცველი დანი ოლმოა, რომელიც ესპანეთის ახალგაზრდულ ნაკრებსა და ზაგრების "დინამოში" გამორჩეული ფეხბურთელია.

ხორვატები თავიანთ ლიდერს 25 მილიონ ევროდ აფასებენ, რაც "მილანისთვის" მისაღები ფასია. ამ ყველაფერს ზვონიმირ ბობანის ფაქტორიც ემატება, რომელიც სამშობლოში საკმაოდ ავტორიტეტული პიროვნებაა.