"ტოტენჰემი" ჰარი კეინის შემცვლელის ძიებაშია, რომელიც კარგა ხანს ლაზარეთში იქნება და მოურინიოს ფავორიტი კშიშტოფ პიონტეკია, თუმცა ლონდონელებს მის სანაცვლოდ 35 მილიონი ევროს გადახდა არ სურთ.

ნიკოლო შირას ინფორმაციით, "განსაკუთრებული" მზადაა ბარტერში სამი ფეხბურთელი ჩართოს: ხუან ფოიტი, ვიქტორ ვანიამა და ერიკ ლამელა. ცენტრალური მცველი, ცენტრალური ნახევარმცველი და მარჯვენა გარემარბი.

ზემოთ ხსენებული პოზიციების გაძლიერებას "მილანი" ისედაც აპირებს და ეს შეთავაზება ბარტერს კიდევ უფრო რეალურს ხდის. ყველაზე მისაღები ვარიანტი ალბათ 27 წლის არგენტინელი შემტევია, რომელიც წარსულში "რომას" რიგებში წარმატებით ასპარეზობდა.