ბოლო რამდენიმე დღეა ფედერიკო კიეზას "მილანს" უკავშირებენ და ფებურთელის აგენტთან, ფალი რამადანისთან მოლაპარაკებებიც წარმატებით მიმდინარეობს.

"SportMediaset"-ის მტკიცებით, "როსონერიმ" "ფიორენტინას" კიეზას სანაცვლოდ ლუკას პაკეტა და 20 მილიონი ევრო შესთავაზა, რასაც ერთ წელიწადში კიდევ 10 მილიონი ბონუსის სახით დაემატებოდა, თუმცა ფლორენციელთა პრეზიდენტმა, როკო კომისომ შეთავაზება დაბლოკა.

"Sky Italia"-ს ჟურნალისტის, ჯანლუკა დი მარციოს ინფორმაციით კი ივლისში კომისოს "ინტერი" დაუკავშირდა, თუმცა "იებმა" 90 მილიონი ევრო მოთხოვეს, რამაც ყველანაირი ინტერესი გააქრო. ცნობილი ექსპერტი ვარაუდობს, რომ იგივე სცენარი შესაძლოა "მილანის" შემთხვევაშიც განმეორდეს.