ადრიანო გალიანი:"ჩვენ ყველა ძალისხმევა გამოიყენეთ, თუმცა ისინი კარგად გამოიყურებოდნენ, განსაკუთრებით სუნიგა. ეს არ არის კატასტროფა, ამაში ვერაფერს ვხედავ კატასტროფულს, არ იყო არანაირი ძალადობა, არამგონია იბრამ 2 ტურზე მეტი გამოტოვოს. თავს ამაყად ვგრძნობ, რადგან გუნდი გამოიყურებოდა კარგად და ცდილობდა გამარჯვებას მაშინაც კი, როდესაც მოედანზე 10 კაცი იყო. საბედნიეროდ "იუვენტუსმა" ფრედ ითამაშა, "უდინეზემ", "ლაციომ" და "ინტერმა" კი წააგეს, საერთო ჯამში, ცხრილის ზედა ნაწილში მყოფმა გუნდებმა ძალიან ცუდად იასპარეზეს. დღეს ჩვენ უფრო ფრთხილად ვიყავით, ვიდრე "ლაციოსთან" წაგებულ მატჩში. მაგრამ თამაშებს წააგებ ან მოიგებ გარკვეული ეპიზოდების გამო. ყველაფერი ძალიან დაბალანსირებულია, უბრალოდ შეხედეთ შედეგებს.
იბრას გარეშე ორი ტურის თამაში გაგვიჭირდება, რადგან ერთ მათგანში "უდინეზეს" სტუმრად ვხვდებით, ისინი კი სატურნირო ცხრილში მესამე ადგილზე არიან.
მექსე დიდებული შენაძენია, შესაძლოა ნესტამ ვერ ითამაშა კარგად რომში, თუმცა ერთი თამაში მას ვერ შეცვლის, ის დიდებული ჩემპიონია, რომელიც ყოველთვის ყველაფერს ძალიან კარგად აკეთებს. ჩვენ შესანიშნავი ცენტრალური დაცვა გვყავს.
გუნდში 10 ტრავმირებული ფეხბურთელია, ეს ძალიან ბევრია. ტრავმირებული გვყავს ხუთი ნახევარმცველი, მნიშვნელოვანნი არიან პატო და კასანო. კასანოს ძალიან კარგად შეუძლია გოლის გატანა და საგოლე გადაცემის გაკეთება. ჩვენ ყველაფერს ვაკეთებთ, რომ სასწაული მოხდეს. როდესაც ყველა დაგვიბრუნდება, აუცილებლად დავამტკიცებთ იტალიაში ჩვენს სიძლიერეს. ახლა ამბროზინი კარგად თამაშობს.
მე ვფიქრობ, რომ კარგი გადაწყვეტილება იყო დღეს დღის მეორე ნახევარში გვეთამაშა, რადგან ამ დროს ნაკლებად ცივა. მე ვეტყვი გულშემატკივრებს, რომლებიც ცხოვრების მანძილზე გვიჭერენ მხარს: ჩვენ ვართ ერთადერთი იტალიური გუნდი, რომელიც სამ ფრონტზე ჩემპიონობისთვის იბრძვის. შესაძლებელია ბევრი ფეხბურთელის მალე გამოჯანმრთელება. ბოატენგი უკეთესადაა, მალე პატო გუნდთან ერთად ივარჯიშებს. რინო უკეთესადაა, მაგრამ მას კიდევ სჭირდება დრო."
მასიმილიანო ალეგრი:
"საბედნიეროდ, გასულ წელთან შედარებით წელს ჩვენ უფრო მეტი თავდამსხმელი გვყავს, მიუხედავად იმისა, თუ რამდენ მატჩს გამოტოვებს იბრა ჩემპიონატში, ის ითამაშებს ჩემპიონთა ლიგაზე და იტალიის თასზე. ცოტა ადრენალინია საჭირო, რადგან ჩემპიონატის მოგება ადვილია ადრენალინითა და ბრძოლით, წინააღმდეგ შემთხვევაში, როგორც ჩანს თქვენ ხართ თეატრში და არა მოედანზე. ოთხშაბათს უნდა ვითამაშოთ იტალიის თასის ნახევარფინალი "იუვენტუსის" წინააღმდეგ, შემდეგ კი ჩემპიონატზე ვიფიქრებთ.
დღეს აღებული ქულა მნიშვნელოვანია, ალბათ ჩვენ დავიმსახურეთ გამარჯვება, თუმცა ეს ერთი ქულაც საკმაოდ მნიშვნელოვანია. ჩვენ არაზუსტად ვურტყამდით კარის მიმართულებით, გვქონდა რამდენიმე შანსი და შეგვეძლო ბევრი გოლის გატანა. განსაკუთრებით იბრას გაძევების შემდეგ, ყველას გოლის გატანის დიდი სურვილი ჰქონდა."
ლუკა ანტონინი:
"რთული მატჩი იყო და სამწუხაროა, რომ ხელიდან გავუშვით სატურნირო ცხრილში "იუვენტუსისთვის" გადასწრების შესაძლებლობა. ჩვენ სახლში გამართულ ყველა თამაშში სამი ქულა გვსურს და მაშინაც კი, როდესაც რიცხობრივ უმცირესობაში ვართ, ბოლომდე ვიბრძვით, ისე, როგორც ეს დღეს გავაკეთეთ. მაჯოსთან სამართლიანი დუელი მქონდა, ეს კარგი ბრძოლა გამოდგა. მოედანზე სიცივე იგრძნობოდა, პირველი ნახევრის თამაშის შემდეგ მუხლები გაყინული მქონდა. ბურთის უმისამართოდ მოშორებაც სწორედ სიცივის ბრალია. თებერვლის თვე ყველაზე მნიშვნელოვანია, სწორედ ამ თვეში გვაქვს სეზონის ყველაზე დიდი თამაშები, ამიტომ რას შეიძლება სწრაფად უნდა დაგვიბრუნდეს ყველა ტრავმირებული და ყველამ უნდა გავაგრძელოთ ბოლომდე ბრძოლა. ჩემი აზრით ამ თამაშის მოსაგებად საკმარისი იყო მხოლოდ ერთი გოლი, რადგან მათ არ შეუქმნიათ ბევრი სახიფათო მომენტი. ეს გუნდი კომპაქტური და სოლიდურია, ჩვენ ვეხმარებით ერთმანეთს, ეს ერთი გუნდის სახეა, რომელსაც კვლავ სურს მოიგოს სკუდეტო და შესაძლოა მეტიც. მე გუნდი განსაკუთრებით მომეწონა მეორე ნახევარში. ჩვენ ორი ან სამი შანსი გვქონდა ყველაფრის დასასრულებლად, შეგვეძლო გამარჯვება, მაგრამ სეზონი წინაა და ჩვენ დარწმუნებულები ვართ ჩვენს თავში."
მარკო ამელია:
"სამწუხაროა, რომ ვერ მოვიგეთ. ჩვენ ვიცოდით, რომ ეს რთული მატჩი იქნებოდა, რადგან ვხედავთ, რომ როდესაც გუნდები ჩვენს წინააღმდეგ თამაშობენ, მაქსიმალურად იცავენ თავს. იბრას გაძევებისას სიტუაცია ოდნავ გართულდა, რადგან ჩვენ ფიზიკურად გამოგვაკლდა ერთი ადამიანი და შევეცადეთ, მატჩი არ დაგვეთმო. სამწუხაროა, რადგან ჩვენ მოგება დავიმსახურეთ. სამწუხაროა, რომ ვერ შეძლო გოლის გატანა, თუმცა რობინიო მნიშვნელოვანია ჩვენთვის. იტალიის თასის თითოეული მატჩი ნამდვილი ბრძოლაა. ოთხშაბათს შევხვდებით "იუვენტუსს" და შევეცდებით საუკეთესო თამაში ვაჩვენოთ. ჩვენ ვართ "მილანი" და ყველა ფრონტზე უნდა ვიბრძოლოთ."
ანტონიო ნოჩერინო:
"ჩვენ კარგ გუნდს ვეთამაშეთ, თუმცა ხელსაყრელი მომენტები ვერ გამოვიყენეთ. მაგრამ ყოველთვის ვერ მოვიგებთ, სხვაობა ისევ ერთი ქულაა და ჩვენ შეგვიძლია მისი აღმოფხვრა. არ მინდა იბრაჰიმოვიჩის გაძევების ეპიზოდზე საუბარი. ის მომენტი თქვენც ნახეთ."
მაქსი ლოპესი:
"ვფიქრობ, რომ კარგი მატჩი ჩავატარეთ. მე ვვარჯიშობ, კარგად ვარ და თუ მწვრთნელი ამირჩევს, მე მზად ვარ."
მასიმილიანო ალეგრი (პრეს-კონფრენეცია):
"გუნდმა თავდადებით ითამაშა. პირველ ნახევარში არ ვფლობდით ბურთს კარგად და ვერ შევქმენით ბევრი მომენტი მეტოქის კართან, მაგრამ მეორე ნახევარში გამოვასწორეთ თამაში და გვქონდა გოლის გატანის შანსები მაშინ, როდესაც 10 ვიყავით. ჩემპიონატში არაფერი შეცვლილა, ჩვენ მალე უნდა დავუბრუნდეთ მოგებებს. დღეს მოპოვებული ქულა მნიშვნელოვანია, თუმცა ასევე მნიშვნელოვანი იყო მებრძოლი ხასიათის გამოვლენა. რა თქმა უნდა უკეთესი იქნებოდა მოგება. ალბათ "არსენალთან" მატჩისთვის ვერავინ გამოჯანმრთელდება, იმიტომ, რომ სულ რამდენიმე დღე დარჩა, თუმცა ისინი, ვინც ჩემს განკარგულებაში არიან, არიან კარგად და აკეთებენ ყველაფერს კარგად.
მნიშვნელოვანი იყო კარგად თამაში, თუმცა საჭირო იყო გამარჯვება. წინა მატჩში ჩვენ გოლები უყურადღებობის გამო გავუშვით, დღეს კი გუნდი ყურადღებით და ფხიზლად იყო, განსაკუთრებით მაშინ, როდესაც ისინი მოედანზე ათნი დარჩნენ. ეს მნიშვნელოვანი ქულაა ჩემპიონატში, რადგან ჩვენ გვესმის თუ როგორ უნდა ვითამაშოთ რთულ მატჩებში. სამწუხაროა, რომ ვერ შევძელით გოლის გატანა, რობინიოს ჰქონდა ხელსაყრელი შანსი, თუმცა მან ვერ შეძლო გოლის გატანა, მაგრამ მან ბევრი სარგებელი მოუტანა გუნდს წელსაც და შარშანაც. მე ვფიქრობ, რომ რობინიოზე პენალტის დადება შეიძლებოდა. მას ძალიან დიდი რეაქცია ჰქონდა გოლის ვერ გატანის შემდეგ. დღეს მაქსი ლოპესმა მოედანზე ათი წუთი დაჰყო, ახლა ის უფრო მეტ დროს მიიღებს. აბიატის კუნთების დაზიანება აქვს და იგი უნდა შეფასდეს.
მე უკმაყოფილება გამოვთქვი, რომ ჩვენს წინააღმდეგ ჯარიმა დაინიშნა და ამის გამო გამაძევეს.
იბრა მშვიდად იყო, მისი გაძევება გადაჭარბებული იყო, მაგრამ მსაჯმა ყველაფერი ვერ დაინახა. ვნახოთ, რამდენად დასჯიან იბრას. იბრამ მხოლოდ მცირე ჟესტი გააკეთა და ის ამისთვის გადაიხდის. მე არ შემიძლია ვთქვა, თუ რამდენის გადახდა მოუწევს მას, თუმცა მან ყოველთვის უნდა გადაიხადოს თავისი პატარა საქციელების გამო.
თუმცა საბოლოოდ ეპიზოდი სასარგებლო იყო თუ საზიანო, ეს ანაზღაურდება."
წყარო: AcMilan.Com
იბრაჰიმოვიჩი
მილიტო
კავანი
დი ნატალე
პალასიო